U Hiermanavičach sustrelisia byłyja siabry Sajuzu biełaruskich patryjotaŭ
U pryvatnym muzei Ady Rajčonak sabralisia dziesiać čałaviek
Sustreča ź siabrami Sajuzu biełaruskich patryjotaŭ 1945–1947 hh. prajšła ŭ v. Hiermanavičy Šarkoŭščynskaha rajonu Viciebskaj vobłaści. U pryvatnym muzei krajaznaŭcy Ady Rajčonak sabralisia dziesiać veteranaŭ patryjatyčnaha padpolla, a taksama moładź.
Padpolnaja arhanizacyja «Sajuz biełaruskich patryjotaŭ» stvaryłasia ŭ 1945 h. u Hłybokaj i Pastaŭskaj pedvučelniach. Niekalki dziasiatkaŭ jaje siabroŭ źbiralisia mirnymi metadami zmahacca za niezaležnaść Biełarusi. U 1947 h. arhanizacyja była razhromlenaja orhanami savieckaj dziaržbiaśpieki, a moładź apynułasia ŭ turmach i kanclahierach.
27 žniŭnia ŭ Hiermanavičach adbyłasia sustreča palitviaźniaŭ roznych pakaleńniaŭ — pryjechali taksama i niekalki ŭdzielnikaŭ sakavickaha namiotavaha miastečka ŭ Miensku.
Siabry Sajuzu biełaruskich patryjotaŭ dzialilisia svaimi ŭspaminami, zhadvali tych, chto nie dažyŭ da siońniašniaha dnia, rabili padarunki muzeju, jaki paspryjaŭ ich sustrečy, paviedamlaje našaja karespandentka Alena Akulič.