Vyjšaŭ na volu homielski žurnalist Andrej Tołčyn
«Andrej na voli! Jak pryhoža pišucca hetyja słovy! Ale čakańni ŭsio ž zastajucca…» — napisaŭ u fejsbuku Anatol Labiedźka.
Fota: Radyjo Svaboda
Andrej Tołčyn — stvaralnik homielskaj haradskoj haziety «Homielskija viedamaści», žurnalist-fryłansier, jaki supracoŭničaŭ ź niekalkimi niezaležnymi vydańniami. Tołčyna nieadnarazova zatrymlivali i sudzili za žurnalisckuju dziejnaść z 2017 hoda. Paśla pratestaŭ 2020 hoda žurnalist vyrašyŭ pakinuć prafiesiju.
Jaho zatrymali 27 vieraśnia 2023 hoda. Jaho abvinavacili pavodle artykuła 361-1 Kryminalnaha kodeksa (stvareńnie ekstremisckaha farmavańnia albo ŭdzieł u im), a taksama pavodle art 367 č. 2 (paklop u dačynieńni da Łukašenki) i artykuła 369 prym. 1 (dyskredytacyja Biełarusi) i ŭ sakaviku 2024 hoda pakarali 2 hadami i 6 miesiacami kałonii.
Pakarańnie adbyvaŭ u mahiloŭskaj kałonii.