Pieravozčyki raskazali, kali ŭklučać piečki ŭ maršrutkach
Dla hetaha taksama jość svaja tempieraturnaja «adsiečka».
Praviłami aŭtamabilnych pieravozak pasažyraŭ praduhledžana, što kiroŭca abaviazany ŭklučać aciapleńnie sałona pry tempieratury pavietra nižejšaj za plus 5 hradusaŭ, piša Newgrodno.by..
Zrešty, nichto nie zabaraniaje ŭklučyć piečku, kali na vulicy krychu ciaplej, ale abstanoŭka ŭ sałonie taho patrabuje. Pieravozčyki čaściej za ŭsio aryjentujucca na zapyty pasažyraŭ.
Mnohija maršrutki abstalavany dadatkovymi aŭtanomnymi abahravalnikami: tamu navat u samyja mocnyja chałady ŭ sałonie kamfortnaja tempieratura.
Adnak, kali mierkavać pa prahnozie nadvorja, u bližejšyja dni moža spatrebicca praca ŭsich klimatyčnych sistem maršrutki. Dniom abiacajuć amal letniaje ciapło (choć by nie zapatrabavali kandycyjanier uklučać), a ŭnačy — amal zimovy choład (pamiatajem niuansy pra piečku).