Na łyžni Łukašenka zastajecca niepieraŭzydzienym
A voś KDB, Pamiežny, Mytny kamitety, Kamitet dziaržkantrolu i navat Słužby biaśpieki prezidenta adstali.
Kamanda Łukašenki ŭpeŭniena pieramahła na estafiecie «Mienskaja łyžnia — 2010».Spabor prajšoŭ u subotu ŭ Raŭbičach la stalicy. Druhoje miesca zaniała kamanda Ministerstva sportu j turyzmu. Na trecim u hety raz — zbornaja Ministerstva abarony. Vidna, prychod tudy hienierała Žadobina naležna ŭstrachnuŭ kadry viedamstva. A voś KDB, Pamiežny, Mytny kamitety, Kamitet dziaržkantrolu i navat Słužby biaśpieki prezidenta adstali. Navat dziŭna: jak ža jany achoŭvali Łukašenku na dystancyi, kali jon biehaje chutčej za ich?
Varta adznačyć, što pavodle praviłaŭ zamykać honku musiŭ kiraŭnik adpaviednaha viedamstva ci jahony namieśnik. A ŭ kamandzie Łukašenki pieršymi biehli bijatłanisty Uładzimir Čapielin, Siarhiej Bułyhin j Ludmiła Anańka.