Suśvietny bank značna palepšyŭ prahnoz pa ekanomicy Biełarusi
U červieni Suśvietny bank prahnazavaŭ, što VUP Biełarusi vyraście ŭ 2024 hodzie na 1,2%. Zaraz ža rost ekanomiki čakajuć adrazu na 4%, vynikaje z novaha dakładu finansavaj arhanizacyi.
U vyniku ekśpierty dadali da prahnozu 2,8%.
U červieni analityki Suśvietnaha banka zajaŭlali, što ŭ 2025-2026 hadach čakajuć źnižeńnia ekanamičnaha rostu Biełarusi bolš čym udvaja. Tady hučaŭ taki prahnoz: u 2025 hodzie VUP krainy vyraście na 0,7%, a ŭ 2026-m naohuł tolki na 0,5%.
Zaraz ža hety prahnoz taksama pierahledzieli na bolš pazityŭny. Pavodle novaj acenki analitykaŭ, biełaruskaja ekanomika vyraście na 1,2% u 2025 hodzie i na 0,8% u 2026-m.
Metavy prahnoz urada pa roście VUP sioleta — 3,8%, pa vynikach dzieviaci miesiacaŭ ekanomika vyrasła na 4,5% hod da hoda. Pavodle acenki ŭładaŭ Biełarusi, rost VUP u nastupnym hodzie pavinien skłaści 4,1%.