Chaŭjer Milej likvidavaŭ padatkovuju słužbu ŭ Arhiencinie
Ofis prezidenta Arhienciny abjaviŭ ab rospusku AFIP (Fiederalnaj administracyi dziaržaŭnych dachodaŭ) i jaje zamienie novym «sproščanym» orhanam — ARCA (Ahienctvam pa zbory padatkaŭ i mytnym kantroli). Pra heta havorycca ŭ zajavie Ofisa prezidenta Arhienciny.
Chaŭjer Milej. Fota: Tomas Cuesta / Getty Images
«Ofis prezidenta paviedamlaje, što ŭ ramkach skaračeńnia dziaržaŭnych struktur i likvidacyi nieefiektyŭnych orhanaŭ budzie raspuščana Fiederalnaja administracyja dziaržaŭnych dachodaŭ (AFIP)», — havorycca ŭ paviedamleńni.
Novaja ŭstanova, pavodle płanaŭ, budzie praściejšaja, bolš efiektyŭnaja, mienš biurakratyčnaja i tańniejšaja.
Praduhledžvajecca skaračeńnie 45 pracentaŭ kirujučych pasad i nižejšych słužbovych asob na 31 pracent, što aznačaje likvidacyju 34 pracentaŭ isnujučaj struktury. Heta pavinna skaracić vydatki krainy na 6,4 miljarda piesa (kala 6,5 miljonaŭ dołaraŭ).
Čytajcie taksama:
Dzieci špijonaŭ Dulcavych tolki pry abmienie daviedalisia, što jany rasijanie, a nie arhiencincy
Prezident Arhienciny Milej zaklikaŭ armiju Vieniesueły abaranić demakratyju i volu naroda
Što adbyłosia z ekanomikaj Arhienciny za šeść miesiacaŭ pracy novaha prezidenta