Zasnavalnicy markietpłejsa Wildberries na dzień narodzinaŭ padaryli biełaruskuju bulbu
Bulbu ź simvaličnaj nazvaj «Vajłdberyz» u jakaści padarunka atrymała zasnavalnica markietpłejsa Taćciana Kim. Pra heta jana napisała ŭ svaim telehram-kanale.
Fota: Taćciana Kim
Novy hatunak bulby «Vajłdberyz» Taćcianie na dzień narodzinaŭ padaryli biełaruskija navukoŭcy. Pradprymalnica, jakaja atrymała padarunak ad Navukova-praktyčnaha centra NAN Biełarusi pa bulbavodstvie i płodaaharodnictvie, apublikavała fota kłubniaŭ — jany čyrvona-fijaletavyja.
— Padumajem, moža, pasprabujem vyroščvać jaho ŭ pramysłovych maštabach, — napisała Kim.