U Arhiencinie abrynuŭsia dziesiacipaviarchovy budynak apart-hatela
Incydent adbyŭsia ŭ horadzie Vilja-Chiesiel (pravincyja Buenas-Ajres). Pavodle danych La Nacion, zahinuŭ jak minimum adzin čałaviek, jamu 89 hadoŭ. Jon byŭ u trochpaviarchovym budynku pobač z hatelem Dubrovnik, jaki abrynuŭsia.
Skrynšot ź videa
Ratavalniki praciahvajuć šukać pad zavałami ludziej. Pryčyny abvału nieviadomyja.
Palicyja zatrymała troch čałaviek, jakija rabili ŭ hateli ramont. Jaho płan nie byŭ da kanca ŭzhodnieny z uładami.
Pavodle papiaredniaj infarmacyi, u hateli znachodzilisia ad siami da dzieviaci čałaviek, uklučajučy rabočych.
Na razborach zavałaŭ pracujuć 80 čałaviek: pažarniki, ratavalniki, miedyki i supracoŭniki słužby biaśpieki. Na miesca nadzvyčajnaha zdareńnia taksama prybyŭ ministr biaśpieki pravincyi Buenas-Ajres Chaŭjer Ałonsa.
Čytajcie taksama:
Nazvali niečakanuju pryčynu abvału mosta ŭ Drezdenie
U viežy Ščytoŭka Navahradskaha zamka źbirajucca zrabić muziej
Halfstrym spyniajecca? Poŭnač Jeŭropy, u tym liku i Biełaruś, moža pieratvarycca ŭ tundru
Pad Navahrudkam padčas ramontu abvaliłasia ściana karoŭnika — zahinuŭ mužčyna