«Chočuć akružyć fłanhami». Łukašenka raskazaŭ, dziela čaho vyłučajucca Čamadanava i Kanapackaja

Łukašenka daŭ kamientar svaim prapahandystam adnosna taho, čamu całkam łajalnyja jamu asoby nakštałt Hajdukieviča, Chižniaka ci Čamadanavaj vykazali žadańnie bałatavacca ŭ prezidenty. Vykazanaja viersija była aryhinalnaj.

Skrynšot ź videa

Łukašenka prytvorna dzivicca faktu vystaŭleńnia svaich kandydatur «suprać žanočaha prezidenta — žančyn», a taksama «hałoŭnaha arakuła Hajdukieviča». Praŭda, adrazu ŭdakładniŭ, što jany iduć, maŭlaŭ, nie suprać, a «ŭ alternatyvie».

«Im adyści ad svajoj palityki budzie składana, ale tym nie mienš — alternatyŭnyja kandydaty», — havoryć Łukašenka. I vykazvaje dumku, što, maŭlaŭ, prynamsi kandydaty-žančyny «chočuć dziejnamu prezidentu takim čynam harantavać biaśpieku». Maŭlaŭ, nijak inačaj heta i nie rasceniš, prosta chočuć «akružyć fłanhami».

Pry hetym toje, što jamu moža pahražać niebiaśpieka, Łukašenka tut ža abvierh.

Kamientary da artykuła