Litoŭskaja mytnia ŭzmocnić kantrol na miažy ź Biełaruśsiu
Mytnia Litvy z 11 listapada ŭzmocnić kantrol na miažy za vyvazam ź ES tavaraŭ padvojnaha pryznačeńnia.
Kantrol na biełaruska-litoŭskaj miažy ŭzmocniać. Fota: lrmuitine.lt
Pra heta paviedamlajecca na sajcie viedamstva.
Pastrožany kantrol bolš zakranie firmy-eksparciory, a nie zvyčajnych padarožnikaŭ.
Tavarami padvojnaha pryznačeńnia ličacca tavary, što mohuć vykarystoŭvacca padčas boju abo dla vytvorčaści pradmietaŭ, jakija vykarystoŭvajucca ŭ vajennych metach.
«Asablivaja ŭvaha budzie nadadziena elektronicy, takoj jak čypy, mikraschiemy i inšyja elektronnyja kampanienty. Taksama budzie bolš strohi kantrol nad ekspartam tavaraŭ, na jakija raspaŭsiudžvajucca vyklučeńni z sankcyjnaha rehłamientu, takich jak miedyka-dyjahnastyčnaje abstalavańnie, roznyja miechanizmy, ich detali i anałahičnyja tavary», — paviedamlaje litoŭskaja mytnia.