Inicyjatyŭnaj hrupaj u Čamadanavaj kiruje biznes-łedzi, a ŭ Kanapackaj — siastra
CVK apublikavaŭ proźviščy kiraŭnikoŭ inicyjatyŭnych hrup sparynh-partnioraŭ Alaksandra Łukašenki.
Inicyjatyŭnaj hrupaj Alaksandra Łukašenki kiruje kiraŭnik Fiederacyi prafsajuzaŭ Juryj Siańko.
Inicyjatyŭnuju hrupu Aleha Hajdukieviča ŭznačalvaje Aleh Časałaŭ, Alaksandra Chižniaka — Žanna Staciŭka.
U Volhi Čamadanavaj — Volha Darhiel, u Hanny Kanapackaj — Darja Truchanovič.
U Siarhieja Bobrykava — Alaksandr Marščanok, a ŭ Siarhieja Syrankova — Dźmitryj Mirašničenka.
Ź cikavych imionaŭ varta ŭzhadać Volhu Darhiel (Račko) z kamandy Čamadanavaj. U sacsietkach jana pazicyjanuje siabie jak zasnavalnica i dyrektarka kampanii «Antykryzisnaje kiravańnie», a taksama viadučaja rubryki «Biznes-doktar». Darhiel kiruje arhanizacyjaj žančyn-pradprymalnic Minska.
Volha Darhiel, fota ź jaje instahrama
A Hańnie Kanapackaj tradycyjna dapamahaje siamja. Jak i na vybarach-2020 inicyjatyŭnuju hrupu ŭznačalvaje siastra, Darja Truchanovič.