U Minsku buduć inšyja kantejniery dla śmiećcia — što pamianiajecca
U Minsku płanujuć źmianić padychody da sartavańnia adchodaŭ. Ciapier praduhledžany asobnyja kantejniery dla škła, papiery, płastyka. U 2025 hodzie apošnija dva vidy adchodaŭ možna budzie vykidvać u baki jak dla makułatury, tak i dla płastyka. Dla adchodaŭ škła zastanucca asobnyja kantejniery.
Ilustracyjny zdymak. Fota: gkx.by
Na hetyja jomistaści naniasuć adpaviednuju infarmacyju. Typ nalepak raspracoŭvajecca, zakuplać ich buduć pradpryjemstvy-pieravozčyki «Śpieckamunaŭtatrans» i «RIEMONDIS Minsk», piša ahienctva «Minsk-Naviny».
Mahčyma, kolkaść kantejnieraŭ pamienšycca.
«Taksama budzie sartavacca nie častka adchodaŭ sa «zvyčajnych» kantejnieraŭ, jak heta adbyvajecca apošnim časam z metaj poŭnaj zahruzki mahutnaściaŭ, a ŭsio. Heta stanie mahčymym paśla zaviaršeńnia rekanstrukcyi vytvorčaha korpusa śmiećciesartavalnaha zavoda», — dzielicca namieśnik hienieralnaha dyrektara pa dobraŭparadkavańni, sanitarnym utrymańni žyllovaha fondu MHŽCH Anastasija Varabjova.
U 2025 hodzie na śmiećciesartavalnym zavodzie kala palihona «Traścianiecki» płanujecca pavialičyć mahutnaści z 100 tys. t u hod da 600 tys. t, a taksama vyrablać RDF-paliva dla pastavak na cemientavyja zavody krainy, adznačajuć u MHŽCH.