U Hrodnie kiroŭca «Miersedesa» zładziŭ masavaje DTZ: śpiašaŭsia prajechać pavarot i pajšoŭ u zanos VIDEA
Vypadkovy dryft mieŭ nastupstvam sutyknieńnie ź jašče dvuma aŭtamabilami.
Fota: Newgrodno
Avaryja adbyłasia napiaredadni na praśpiekcie Kasmanaŭtaŭ u Hrodnie, pobač z prypynkam kala kinateatra «Uschod».
Momant avaryi trapiŭ na videa z rehistratara aŭtamabila, jaki ŭ hety momant stajaŭ na prypynku, piša Newgrodno.
Na zapisie vidać, što «Miersedes» na chutkaści ŭvachodzić u pavarot, adnak zatym robić mižvolny dryft. Spravicca z zanosam kiroŭca nie zmoh i ŭlacieŭ u «Chondu», jakaja jechała pa sustrečcy. Tuju, u svaju čarhu, adkinuła na «Volva», jakaja stajała na prypynku.
U toj viečar u horadzie stajała suchoje nadvorje, daroha nie była ślizkaj. U pryčynach avaryi raźbirajecca DAI.