Viadomaha treniera pa ŭschodnich adzinaborstvach sudziać za žadańnie vajavać za Ukrainu
Michaiłu Halinskamu 59 hadoŭ. Jon adzin z samych viadomych trenieraŭ pa kitajskich adzinaborstvach. Jahonyja vychavancy vyjhravali mižnarodnyja spabornictvy pa ŭšu, a jahonaja škoła viadomaja ŭ Biełarusi i za jaje miežami pa vynikach spabornictvaŭ.
Michaił Halinski. Fota ź jahonaj staronki Ukantakcie
Michaiła zatrymali ŭ červieni 2024 hoda. Spačatku jaho sudzili pa administratyŭnaj spravie — za «niepadparadkavańnie supracoŭnikam milicyi».
Sud pa «kryminałcy» nad Michaiłam pačniecca 2 śniežnia 2024 hoda. Jaho abvinavačvajuć u «sprobie ŭdziełu ŭ vajnie» (č. 1 art. 361-3 KK). Zvyčajna pa hetym artykule sudziać tych, chto dumaŭ pra toje, kab dałučycca da USU.
Sudzić Halinskaha budzie Viera Hałaŭkova. Pačynajučy z 2016 hoda, Jana vyniesła dziasiatki palityčnych prysudaŭ.
Viera Hałaŭkova. Fota: Ukantakcie