MUS Hiermanii: Niama prykmiet taho, što krušeńnie samalota DHL u Vilni źviazana z samaŭzharańniem pasyłak
Niama prykmiet taho, što katastrofa samalota DHL u Vilni źviazanaja z samaŭzharańniem pasyłak. Ab hetym zajaviŭ siońnia pradstaŭnik Ministerstva ŭnutranych spraŭ Hiermanii na bryfinhu, piša «Vołna».
Supracoŭniki MNS Litvy i palicyjanty stajać kala miesca, dzie hruzavy samalot DHL upaŭ niedaloka ad aeraporta, 25 listapada 2024 h. Fota: AP Photo / Mindaugas Kulbis
Ministerstva ŭnutranych spraŭ Hiermanii paviedamiła, što znachodzicca ŭ kantakcie z uładami Litvy.
Siońnia a 5:30 ranicy hruzavy samalot upaŭ na ŭskrainie Vilni kala žyłoha doma. Adzin člen ekipaža zahinuŭ, druhi znachodzicca ŭ ciažkim stanie. Žychary doma nie paciarpieli.
Pakolki samalot vylacieŭ ź Lajpcyha, paśla katastrofy mnohija ŚMI ŭzhadali pra niadaŭnija pažary na składach, u tym liku ŭ Lajpcyhu. U tym liku i pra publikacyju The Wall Street Journal, što rasijskija śpiecsłužby mahli rychtavać ataki z vykarystańniem hruzavych samalotaŭ.
Čytajcie taksama:
U Vilni hruzavy «Boinh» upaŭ na dvuchpaviarchovy žyły dom i zahareŭsia. Jość zahinułyja
Papiaredniaja pryčyna padzieńnia samalota ŭ Vilni — techničnaje pytańnie
Ułady Litvy nie vyklučajuć terakta na borcie samalota DHL, jaki ŭpaŭ u Vilni
Hiermanija pačała rasśledavańnie krušeńnia samalota DHL u Litvie