Sapraŭdny pałac pradajuć pad Minskam. Płošča — pad tysiaču kvadrataŭ, cana — adpaviednaja
Pa infarmacyi z abjavy, płošča katedža składaje 930 kvadratnych mietraŭ, ziamielny ŭčastak zajmaje 12 sotak. Na terytoryi znachodziacca łaźnia, haraž, altanka i sažałka. Kolki prosiać za jaho?
Jak havorycca ŭ abjavie, «ekskluziŭny zaharadny dom» uźviedzieny ŭ kłasičnym styli pa indyvidualnym prajekcie ŭ ekałahična čystym rajonie. Jon znachodzicca pobač ź Juchnaŭskim zapaviednikam za 15 km ad Minska. Dom-pałac byŭ pabudavany z cehły ŭ 2020-m hodzie.
Pałacavyja interjery dapoŭnieny meblaj italjanskich fabryk: Provasi, Riva, Bellotti Ezio, śviacilniami Possoni, Masiero. Azdableńnie sanvuzłoŭ vykanana plitkaj Versace, havorycca ŭ abjavie. Kuchnia ŭkamplektavana technikaj premijalnych brendaŭ Gaggenau (Hiermanija) i Lacanche (Francyja).
Cana doma — 5 młn dalaraŭ.