Bundeśvier: Za krušeńniem samalota DHL u Litvie moža stajać Rasija
Hienieralny inśpiektar bundeśviera Karsten Brojer ličyć mahčymym, što krušeńnie hruzavoha samalota DHL u Vilni mahło być «testam» z boku RF «dla vyjaŭleńnia słabych miescaŭ», piša Deutsche Welle.
Fota: Mindaugas Kulbis / AP
«My ŭžo pieražyli padobnuju situacyju letam hetaha hoda, i toje, što adbyłosia ciapier, upisvajecca ŭ hetuju schiemu», — zajaviŭ Brojer u efiry ARD.
Na dumku hieninśpiektara bundeśviera, prezident RF Uładzimir Pucin «stvaryŭ hibrydnuju situacyju».
«Stan, jaki ŭžo nie zusim mir, ale i nie zusim vajna. JON praduhledžvaje pravierku, jak daloka možna zajści», — skazaŭ Brojer.
Nahadajem, što ranicaj 25 listapada hruzavy samalot DHL, jaki vykonvaŭ rejs ź Lajpcyha, ździejśniŭ žorstkuju avaryjnuju pasadku pobač z žyłym domam u Vilni.
U vyniku krušeńnia zahinuŭ adzin čałaviek. Litoŭskija ŭłady pačali rasśledavańnie.