Uładalnika hrodzienskaha błoha S13 adpravili jašče na 15 sutak aryštu

Siarhieja Čaboćku sudzili 22 listapada ŭ sudzie Leninskaha rajona Hrodna za «raspaŭsiud ekstremisckich materyjałaŭ» (art.19.11 KaAP). Jaho adpravili jašče na 15 sutak administracyjnaha aryštu, i heta jaho ŭžo treci zapar termin, piša Hrodna.life.

Siarhieja Čaboćku zatrymali 23 kastryčnika. Jaho sudzili trojčy — za «raspaŭsiud ekstremisckich materyjałaŭ» i «niesankcyjanavanaje pikietavańnie».

Resurs S13 źjaviŭsia ŭ Hrodnie ŭ 2005 hodzie i pieršapačatkova pracavaŭ jak błoh. Paźniej jon pieratvaryŭsia ŭ infarmacyjny partał — ahrehatar navin. Ułasnaha kantentu na sajcie było niašmat, ale doŭhija hady resurs byŭ adnym z samych papularnych u horadzie.

Naprykancy kastryčnika stała viadoma, što kantent partału S13 i jaho sacsietki pryznanyja «ekstremisckimi materyjałami».

Kamientary da artykuła