Za danaty pačynajuć sudzić IT-śpiecyjalista, jakoha zatrymali pa viartańni ź Litvy
5 śniežnia Minski haradski sud pačynaje razhlad spravy ŭ dačynieńni da Česłava Hierasimoviča.
Praces uznačalvaje sudździa Śviatłana Makarevič. Česłavu inkryminavana č. 1 i č. 2 art. 361-2 KK (finansavańnie ekstremisckaj dziejnaści), piša «Viasna».
«Pakajalnaje videa» z Česłavym źjaviłasia 2 žniŭnia — na im mužčyna «pryznajecca» ŭ tym, što byŭ padpisany na «ekstremisckija kanały», čatyry razy finansavaŭ «ekstremisckija farmavańni», a taksama nibyta prajšoŭ rehistracyju ŭ čat-bocie płana «Pieramoha».
Paviedamlałasia, što Hierasimovič pracuje ŭ IT-śfiery i pierad zatrymańniem viarnuŭsia ŭ Biełaruś ź Vilni.