Staličnyja dvorniki vychodziać na baraćbu z hałalodam z 6 ranicy
U stalicy ŭ rabotach pa likvidacyi hałalodu ŭ dvarach zadziejničana bolš za 2 tysiačy rabočych, paviedamili Minsk-navinam u Minskaj haradskoj žyllovaj haspadarcy.
Ilustracyjnaje fota
Narychtavana 2 134 tony procihałalodnych reahientaŭ, 3 455 skrabkoŭ i 5 725 rydlovak. Na prydamavych terytoryjach vystaŭlena i zapoŭniena 8 442 skryni dla zachoŭvańnia pieskasalanoj sumiesi. Jość mahčymaść zadziejničać 160 adzinak śniehaŭboračnaj techniki, u tym liku pryznačanaj dla baraćby z naledździu na dvarovych prajezdach.
Dvorniki prystupajuć da pracy z 6 hadziny. Jany spačatku apracoŭvajuć padychody da padjezdaŭ i prystupki hankaŭ, prylehłyja da doma chodniki. Zatym — vonkavyja leśvicy ŭ žyłych kvartałach (niekatoryja ź ich znachodziacca ŭ padparadkavańni rajonnych «Zielanbudaŭ»), jakija raźmieščany pa šlachu da dziciačych sadkoŭ, škoł, paliklinik, prypynkaŭ hramadskaha transpartu. U apošniuju čarhu — piešachodnyja darožki, jakija pierasiakajuć dvary, jakimi žychary karystajucca nie časta.