Kolki zarablajuć kiraŭniki ŭ rehijonach?
Biełarusam raspaviali pra zarobki kiraŭnikoŭ pradpryjemstvaŭ i arhanizacyj u rehijonach. Prybliznyja ličby ahučyŭ u efiry STB staršynia Pastajannaj kamisii Savieta Respubliki pa zakanadaŭstvie i dziaržaŭnym budaŭnictvie Michaił Rusy.
Fota: Homielskaja praŭda
Tak, sienatar zajaviŭ, što zarobak kiraŭnika varjirujecca ŭ miežach 7—8 tys. rubloŭ. Ale takija sumy pa vynikach miesiaca jość nie va ŭsich kiraŭnikoŭ.
«Siońnia zarobak vybudavany tak, što kiraŭnik, kali jość vytvorčaść, zarablaje pa 7—8 tys. rubloŭ. Heta ŭžo i jość pryvabnaść», — adznačyŭ Rusy.
Ź jaho słoŭ, kiraŭniku taksama naležyć i žyllo. «Ahraharadki stvoranyja, jość umovy dla žyćcia», — udakładniŭ sienatar.
Pavodle źviestak Biełstata, u kastryčniku 2024 hoda siaredni zarobak u krainie składaŭ 2363,4 rubla, nahadvaje Tochka.by.