Na Kalady pačynajecca zavočny sud nad komikam Słavam Kamisarankam. Jamu pahražaje da piaci hadoŭ
Siarod abvinavačańniaŭ — paklop i abraza Čyk-Čyryka.
Słava Kamisaranka. Skryn videa: slavakomissarenko / YouTube
Imia 39-hadovaha komika Viačasłava Kamisaranka źjaviłasia ŭ raskładzie sudoŭ. Jaho abvinavačvajuć u «paklopie na Łukašenku» (č. 2 art. 367 KK), «abrazie Łukašenki» (č. 1 art. 368 KK) i «raspalvańni varožaści» (č. 1 art. 130 KK). Humarystu pahražaje da piaci hadoŭ kałonii zavočna i bujny štraf.
Sud adbudziecca 24 śniežnia ŭ Minskim haradskim sudzie. Sudzić Kamisaranku budzie Nastaśsia Papko. Jana pracuje pa palityčnych spravach bolš za 10 hadoŭ.
Nahadajem, pra budučy sud nad Kamisarankam stała viadoma ŭ žniŭni 2024 hoda. Sam komik jašče napačatku 2022 hoda abviaściŭ, što jaho šukaje biełaruski KDB i źjechaŭ z Rasii.
Čytajcie taksama:
Słava Kamisaranka ŭkłaŭ hrošy ŭ biełaruski stendap-kłub
Byłaja žonka Kamisaranki raskazała, čamu schavała ad jaho svajo minułaje vebkam-madeli