BIEŁ Ł RUS

Dziadula ź Viciebska zapościŭ fota sa skrynkaj ad televizara i staŭ zorkaj tyktoku. A jaho siabar pieratvaryŭsia ŭ miem

11.12.2024 / 15:26

Nashaniva.com

Piatrovič apublikavaŭ fota, na jakim jon z pryjacielem niasie skrynku ad televizara. Hety zdymak raptam staŭ pačatkam vialikaj historyi.

Piensijanier Piatrovič ź Viciebska staŭ zorkaj tyktoku, prosta pakazvajučy svaje archiŭnyja fatahrafii i raspaviadajučy historyi pra siabroŭ. Pačałosia ŭsio z fatahrafii, na jakoj Piatrovič i jaho siabar niasuć skrynku z novym 65-calevym televizaram, piša Onliner.

«Hladzicie, siabry, ja tut kuplaŭ televizar, i dapamahaje mnie jaho ciahnuć viadomy čałaviek u Viciebsku Viktar pa mianušcy Ciuka — viadomy chłopiec u Viciebsku, praŭda, daŭno ŭ Hiermanii žyvie. Chto jaho viedaje? Cikaŭnyja vodhuki», — kazaŭ hołas za kadram.

@petrovich_vitebsk2

Viťka Tiuka ..prijechał ..

♬ orihinalnyj zvuk - Petrovich_Vitebsk2

Rolik z hetaj fatahrafijaj raptam zavirusiŭsia ŭ tyktoku, sabraŭšy 1,8 miljona prahladaŭ. A jašče jon pieratvaryŭ Viciu Ciuka z Hiermanii ŭ miem.

Kamientatary pačali masava stvarać akaŭnty ad asoby taho samaha Vićki Ciuka, televizara, samakata i inšych piersanažaŭ z fatahrafij dziaduli i pakidać paviedamleńni ad ich asoby. Piersanažy ciapier ładziać dyjałohi ŭ kamientarach pad usimi videa Piatroviča.

Piatrovič praciahvaŭ zdymać roliki, i jaho suśviet razrastaŭsia. U kamientary pad videa pra samakat «Brytaniec» navat pryjšoŭ viadomy rasijski akcior Siarhiej Burunoŭ, jaki, jak akazałasia, taksama viedaje Piatroviča i sočyć za jaho tvorčaściu.

@petrovich_vitebsk2

Samokat Britaniec !!

♬ orihinalnyj zvuk - Petrovich_Vitebsk2

Litaralna za tydzień Piatrovič staŭ zorkaj: jaho paznajuć na vulicach rodnaha Viciebska, a sam jon ciapier jeździć na mašynie z nalepkaj «Piatrovič TV», vykładvaje pa dva-try roliki ŭ dzień i rehularna pravodzić strymy.

@petrovich_vitebsk2

Ždiem Viťku Tiuku !

♬ orihinalnyj zvuk - Petrovich_Vitebsk2

U adnym z apošnich rolikaŭ mužčyna paviedamiŭ, što toj samy Vićka Ciuka taksama ŭ kursie svajoj raptoŭnaj słavy i ŭpieršyniu za šmat hadoŭ źbirajecca pryjechać da jaho ŭ hości z Hiermanii na Novy hod. Radaści kamientataraŭ nie było miažy.

«Narešcie hałoŭnyja hieroi sahi Piatroviča źbiarucca razam», — pišuć hledačy.

Čytajcie taksama:

Kamientary da artykuła