Si Czińpin, zdajecca, adchiliŭ zaprašeńnie na inaŭhuracyju Trampa
Pa słovach krynic telekanała CBS News, znajomych z płanami kitajskaha lidara, zaprašeńnie staršyni KNR na inaŭhuracyju Donalda Trampa 20 studzienia, pieradadzienaje nie pa dypłamatyčnych kanałach, «zaśpieła źnianacku», jak Piekin, tak i sajuźnikaŭ ZŠA.
Fota: Tatan Syuflana / AP
Čakajecca, što ŭ cyrymonii, jakaja projdzie 20 studzienia 2025 hoda, buduć udzielničać pasoł Kitaja i jaho žonka, heta standartnaja praktyka.
Pasolstva Kitaja ŭ Vašynhtonie admoviłasia ad kamientaroŭ. Kamanda Trampa nie adkazała na prośbu žurnalistaŭ ab kamientary.
Na inaŭhuracyi prezidenta ZŠA zvyčajna zaprašajuć pasłoŭ i inšych dypłamataŭ, ale zapisy Dziaržaŭnaha departamienta, datavanyja 1874 hodam, pakazvajuć, što zamiežnyja lidary nikoli nie prysutničali na cyrymonii pieradačy ŭłady.
Zaprašeńnie kitajskaha lidara adbyvajecca na fonie napružanych adnosin pamiž ZŠA i Kitajem. Tramp pryhraziŭ uvieści dadatkovyja myty na ŭvieś impart z Kitaja.