«Litvie patrebnaja imihracyja» — novy litoŭski premjer-ministr
Što praŭda — dadaje jon, — važna, kab imihranty byli kulturna blizkimi litoŭcam.
Hintaŭtas Pałuckas, naminavany na pasadu premjer-ministra, vystupaje padčas pasiadžeńnia litoŭskaha parłamienta ŭ Vilni, Litva, 21 listapada 2024 hoda. Fota: Mindaugas Kulbis / AP
Padčas televizijnaj prahramy «Forumas» na LRT premjer-ministr Litvy Hintaŭtas Pałuckas zajaviŭ, što imihracyja dla Litvy — užo nie vybar, a žyćciovaja nieabchodnaść.
Sučasnyja hramadstvy — kaža jon — robiać staŭku na prafiesijnuju karjeru i žyćciovy kamfort, a nie na stvareńnie vialikich siemjaŭ.
U vyniku ŭźnikaje niedachop pracoŭnych ruk, jaki možna zapoŭnić tolki praź imihracyju, asabliva ŭ siektarach z vostrym deficytam kadraŭ.
Pry hetym premjer-ministr adznačyŭ, što dla minimizacyi sacyjalnych napružańniaŭ imihranty pavinny prybyvać z krain, kulturna blizkich da Litvy.
Pałuckas taksama papiaredziŭ pra pahrozu «sacyjalnaha dempinhu», kali zamiežnyja rabočyja zhadžajucca na mienšuju apłatu pracy, čym miascovyja žychary. Heta moža pryvieści da niespraviadlivaj kankurencyi i pahoršyć stanovišča litoŭskich pracoŭnych.
Jak i mnohija krainy Uschodniaj Jeŭropy, Litva sutyknułasia z maštabnaj chvalaj emihracyi paśla ŭstupleńnia ŭ Jeŭrapiejski Sajuz u 2004 hodzie. Za apošnija dva dziesiacihodździ sotni tysiač litoŭcaŭ pakinuli radzimu, bo ŭ Zachodniaj Jeŭropie mahli zarablać lepš, a vyjezd staŭ svabodny.
Z momantu adnaŭleńnia niezaležnaści ŭ 1990 hodzie kraina pieražyła istotnyja demahrafičnyja źmieny: nasielnictva skaraciłasia na 24% praz emihracyju. Heta niehatyŭna paŭpłyvała na ŭzrovień naradžalnaści, spryčyniła stareńnie pracoŭnaj siły i abvastryła deficyt rabočych resursaŭ.
Adnak u apošnija hady Litva naziraje stanoŭčuju dynamiku. Z 2019 hoda salda mihracyi stanoŭčaje: kolkaść prybyłych pieravyšaje kolkaść tych, chto źjazdžaje. Naprykład, u 2022 hodzie Litva pryniała 87 367 imihrantaŭ pry 15 270 emihrantach, što dało čysty pryrost 72 097 čałaviek.
U nastupnym hodzie pryrost byŭ krychu mienšy, ale taksama značny: amal 50 tys. čałaviek.
Krynica: RDB. * Kolkaść ludziej, jakija pierajazdžajuć u krainu (imihranty), minus kolkaść ludziej, jakija vyjazdžajuć z hetaj krainy (emihranty) za peŭny pieryjad. ** Kolkaść mihrantaŭ na 1 000 žycharoŭ dadzienaj krainy.