U Krasnadarskim krai — ekałahičnaja katastrofa paśla raźlivu mazutu z zatanułych tankieraŭ
Režym nadzvyčajnaj situacyi ŭviedzieny ŭ Anapie z-za vykidu naftapraduktaŭ na bierah. Dziasiatki kiłamietraŭ bierahavoj linii pakryła mazutam u vyniku krušeńnia dvuch rasijskich tankieraŭ u Kierčanskim pralivie 15 śniežnia.
Ab biedstvie paviedamiŭ hubiernatar Krasnadarskaha kraju Vienijamin Kandraćjeŭ. «Siońnia ranicaj pry manitorynhu bierahavoj pałasy znojdzieny plamy mazutu. Naftapradukty vyniesła na bierah na praciahu niekalkich dziasiatkaŭ kiłamietraŭ ad pasiołka Viesiałoŭka ŭ Ciemrukskim rajonie i da stanicy Błahavieščanskaj u Anapie», — havorycca ŭ jaho paviedamleńni.
U Anapie ŭviedzieny režym NS u suviazi z vykidam mazutu na bierah. Fota: anapagorod / vk.com
Miascovyja paviedamlajuć pra dziasiatki kiłamietraŭ zabrudžanych plažaŭ (dakładnaja ličba pakul nieviadomaja), paciarpiełych ptušak i žyvioł.