Šproty «Za Radzimu» z partyi z batulizmam znajšli ŭ Mahilovie
Napiaredadni ŭ Rasii dźvie žančyny trapili ŭ balnicu, pakaštavaŭšy šproty z hetaj ža partyi.
Mahiloŭ-Anłajn
U Mahilovie pradajucca banki rasijskich šprot «Za Radzimu» z partyi, u jakoj byŭ znojdzieny batulizm. Śćviardžajecca, što słoiki ź niebiaśpiečnaj partyi pradavałasia ŭ kramie «Hrošyk», piša «Mahiloŭ Anłajn».
Napiaredadni dźvie žančyny ŭ Jekaciarynburhu trapili ŭ reanimacyju, pakaštavaŭšy šproty «Za Radzimu» vytvorčaści rybzavoda ŭ Kalininhradskaj vobłaści. Jany kupili šproty ŭ nieviadomaha mužčyny na rynku.
U šprotach, jak pakazała ekśpiertyza, byŭ batulizm. Raśsielhasnahlad papiaredziŭ, što jad byŭ u partyi kansiervaŭ ad 13.09.2024 hoda. Mienavita taki słoik i znajšli ŭ Mahilovie.