Kadyraŭ uznaharodziŭ svajho plamieńnika, adkaznaha za źbićcio dronaŭ nad Hroznym
Kiraŭnik Čačni Ramzan Kadyraŭ na naradzie pa vynikach adychodziačaha 2024 hoda siarod inšych uznaharodziŭ svajho plamieńnika Chamzata Kadyrava miedalom «Za zasłuhi pierad Čačenskaj Respublikaj». Chamzat Kadyraŭ — sakratar Rady biaśpieki Čačni, i mienavita jon napiaredadni dakładvaŭ pra źbićcio ŭsich BPŁA nad rehijonam, piša Astra. Vierahodna, što za kampaniju źbili i azierbajdžanski pasažyrski samalot.
Ramzan Kadyraŭ z Chamzatam Kadyravym
«Infarmacyja, što bieśpiłotniki trapili ŭ niejki abjekt — niapraŭda, usio źbita!», — napisaŭ Chamzat Kadyraŭ u instahramie 25 śniežnia.
Tym časam ahienctva Reuters paćvierdziła viersiju Euronews pra toje, što azierbajdžanski samalot Embraer 190 byŭ padbity rasijskimi sistemami SPA «Pancyr-C». Taksama paviedamlajecca, što suviaź samalota była parušanaja sistemami radyjoelektronnaj baraćby pry zachodzie na pasadku ŭ Hroznym. Pra heta ahienctva piša sa spasyłkaj na čatyry krynicy, znajomyja z papiarednimi vynikami rasśledavańnia katastrofy ŭ Azierbajdžanie.
«Nichto nie śćviardžaje, što heta było zroblena naŭmysna. Adnak, uličvajučy ŭstanoŭlenyja fakty, Baku čakaje, što rasijski bok pryznaje fakt źbićcia azierbajdžanskaha samalota», — zajaviła adna z krynic Reuters.
«Niapravilna budavać hipotezy da zaviaršeńnia rasśledavańnia», — zajaviŭ pres-sakratar Kramla Dźmitryj Piaskoŭ.
Pry hetym ułady Kazachstana pakul nie mohuć paćvierdzić abo abvierhnuć jakuju-niebudź ź viersij ab krušeńni samalota Azerbaijan Airlines u Aktau.
Čytajcie taksama:
U Kazachstanie błohieru, jaki zdymaŭ miesca krušeńnia samalota, dali 10 sutak
U Kramli admovilisia kamientavać pryčyny krušeńnia samalota ŭ Kazachstanie
Siońnia ŭ Azierbajdžanie dzień žałoby
Samalot Baku-Hrozny, padobna, byŭ padbity z rasijskaha zienitna-rakietnaha kompleksu
Pasažyrski samalot raźbiŭsia ŭ Kazachstanie. Na borcie byli 67 čałaviek, 25 vyžyli