Izrail abvinavaciŭ CHAMAS u admovie ad dasiahnutych damoŭlenaściaŭ
«CHAMAS parušaje damoŭlenaści i ŭ apošniuju chvilinu stvaraje kryzis, jaki pieraškadžaje pahadnieńniu, — havorycca ŭ zajavie izrailskaha premjer-ministra Bińjamina Nietańjachu.
Bińjamin Nietańjachu. Fota: Debbie Hill/Pool Photo via AP
Kancylaryja Premjer-ministra Izraila Bińjamina Nietańjachu zajaviła 16 studzienia, što paleścinskaja hrupoŭka CHAMAS admoviłasia ad niekatorych pahadnieńniaŭ u apošniuju chvilinu, što pieraškadžaje dasiahnieńniu ŭhody ab zamireńni.
«CHAMAS parušaje damoŭlenaści i ŭ apošniuju chvilinu stvaraje kryzis, jaki pieraškadžaje pahadnieńniu», — havorycca ŭ zajavie premjer-ministra, apublikavanaj na anhlijskaj i iŭrycie. — Izrailski kabiniet nie źbiarecca, pakul pasiaredniki nie paviedamiać Izrailu pra toje, što CHAMAS pryniaŭ usie elemienty pahadnieńnia».
Miž tym u CHAMAS zajavili, što ruch zastajecca prychilnym da pahadnieńnia ab spynieńni ahniu ŭ siektary Haza. Pra heta paviedamiŭ Reuters sa spasyłkaj na pradstaŭnika hrupoŭki Izata ar-Ryška.
15 studzienia było abvieščana, što Izrail i CHAMAS dasiahnuli pahadnieńnia ab pieramirji i vyzvaleńni zakładnikaŭ. Jano praduhledžvaje šaścitydniovy etap spynieńnia ahniu i pastupovy vyvad izrailskich vojskaŭ z Hazy, a taksama vyzvaleńnie zakładnikaŭ, jakija ŭtrymlivajucca CHAMAS, u abmien na paleścinskich źniavolenych.
Čytajcie taksama:
Pahadnieńnie pamiž Izrailem i CHAMASam ustupić u siłu z 19 studzienia
Izrail i CHAMAS dasiahnuli pryncypovaha pahadnieńnia ab spynieńni ahniu
Małodšy brat zabitaha lidara CHAMAS Jachji Sinvara ŭznačaliŭ hrupoŭku