Karabiel Starship vybuchnuŭ padčas siomaha testavaha palotu
Rakieta ŭpieršyniu niesła hruz u vyhladzie makietaŭ spadarožnikaŭ.
Skrynšot videa AP
Karabiel Starship vybuchnuŭ padčas siomaha testavaha palotu. Zdaryłasia heta prykładna praz 8 chvilin paśla startu. Dziasiatki rejsaŭ samalotaŭ byli pieranakiravanyja, kab paźbiehnuć mahčymych abłomkaŭ rakiety, piša Reuters.
Spačatku vierchniaja stupień karabla, vyšynia jakoj na dva mietry pieravyšaje vyšyniu papiarednich viersij, paśpiachova adździaliłasia ad zvyšmahutnaha paskaralnika pryblizna praz čatyry chviliny paśla startu. Pavodle płana, stupień pavinna była ździejśnić pasadku na vadu ŭ Indyjskim akijanie praz hadzinu paśla zapusku, ale vybuchnuła.