Nie mienš za čatyry flikiery. U milicyi raspaviali, jak piešachodam zaścierahčy siabie na darozie

Anamalna ciopłaje nadvorje bieź śniehu z pavyšanaj vilhotnaściu i apadkami, jakoje ŭstalavałasia ŭ apošnija dni va ŭsich rehijonach, niehatyŭna ŭpłyvaje na biaśpieku darožnaha ruchu.

Fota: BiełTA

Vykarystoŭvać nie mienš za čatyry flikiery, užyvać śviatłoadbivalnyja kamizelki i paviazki — tak piešachody mohuć zaścierahčy siabie va ŭmovach drennaj bačnaści na darozie. Pra heta BiełTA paviedamili ŭ pres-słužbie MUS.

Anamalna ciopłaje nadvorje bieź śniehu z pavyšanaj vilhotnaściu i apadkami, jakoje ŭstalavałasia ŭ apošnija dni va ŭsich rehijonach, niehatyŭna ŭpłyvaje na biaśpieku darožnaha ruchu. Najbolš raspaŭsiudžany vid DTZ u takich umovach — najezdy na piešachodaŭ.

U isnujučych umovach nadvorja ŭdzielnikam darožnaha ruchu varta być asabliva ŭvažlivymi, ruchacca pa chodnikach, piešachodnych abo viełasipiednych darožkach, i tolki pry ich adsutnaści — pa abočynie.

U vypadkach, kali abočyny nie prydatnyja dla ruchu, dazvalajecca iści pa krai prajeznaj častki, ale tolki nasustrač transpartnamu patoku. Pry paharšeńni bačnaści piešachodam rekamiendujecca apranać jarkuju vopratku, a ŭ ciomny čas sutak — abaviazkova karystacca śviatłoadbivalnymi elemientami.

Paviazki, padvieski abo kamizelki, što adbivajuć śviatło, dazvalajuć piešachodu stać prykmietnym u śviatle far na adlehłaści ad 130 da 400 m. Heta daje kiroŭcu 15-25 siekund dla pryniaćcia mier, kab paźbiehnuć najezdu.

Śviatłoadbivalniki varta raźmiaścić z usich bakoŭ dla maksimalnaj ich bačnaści, na vyšyni kala 80-100 sm ad ziamli, heta značyć na ściohnach abo hrudziach u darosłaha abo na ŭzroŭni plačej i hałavy ŭ dziciaci. Najlepšym varyjantam źjaŭlajecca stužka daŭžynioj nie mienš 7 sm. varta raźmiaścić choć by adzin taki pradmiet na vopratcy, astatnija mohuć być inšaj formy i mienšaha pamieru. Najbolš efiektyŭna vykarystoŭvać nie mienš za 4 śviatłoadbivalnikaŭ.

Kamientary da artykuła