Tramp daručyŭ pamočnikam arhanizavać telefonnuju razmovu z Pucinym paśla inaŭhuracyi
Abrany prezident ZŠA Donald Tramp daručyŭ svaim pamočnikam arhanizavać telefonnuju razmovu z Uładzimiram Pucinym praź niekalki dzion paśla inaŭhuracyi, paviedamlaje CNN sa spasyłkaj na krynicy.
Prezident Donald Tramp i prezident Rasii Uładzimir Pucin iduć dla ŭdziełu ŭ hrupavym fota na samicie G20, Osaka, Japonija, 28 červienia 2019 h. Fota: AP Photo / Susan Walsh
Pa ich słovach, adna z metaŭ razmovy — abmierkavańnie asabistaj sustrečy lidaraŭ u bližejšyja miesiacy dla sproby ŭrehulavańnia kanfliktu va Ukrainie.
Pavodle danych CNN, pradstaŭniki kamandy Trampa pa nacyjanalnaj biaśpiecy pačali rychtavacca da razmovy z Pucinym niekalki tydniaŭ tamu, ale pakul nie viadoma, ci vyznačana data zvanka kančatkova.
14 studzienia Tramp paviedamiŭ pra namier u najbližejšy čas sustrecca z Pucinym, adznačyŭšy, što dla hetaha jamu treba «pryjści ŭ ofis».
Čytajcie taksama:
Tramp płanuje naviedać Kitaj u pieršyja sto dzion prezidenctva
Jak Vašynhton rychtujecca da inaŭhuracyi 47-ha prezidenta ZŠA FOTA