Pałac apošniaha karala Rečy Paspalitaj u Hrodnie pradali z treciaj sproby
Budynak byłoj karaleŭskaj siadziby Paniamuń nabyli z aŭkcyjonu 16 studzienia 2025 hoda. Pakupnika častki byłoj zaharadnaj rezidencyi Stanisłava Aŭhusta Paniatoŭskaha šukali ciaham dvuch hadoŭ, a košt za hety čas upaŭ u 10 razoŭ, piša Hrodna.life.
Siadziba Paniamuń u Hrodnie. Fota: Hrodna.life
Chto i za kolki ŭ vyniku kupiŭ budynak — nieviadoma. U lipieni 2024 hoda za pamiaškańnie byłoha pałaca prasili minimum 351 tys. rub., u studzieni 2025 — 35,1 tys. rub.
Na aŭkcyjon vystaŭlali niežyłuju kamiennuju častku budynka płoščaj 271, 2 kv. m. Sam budynak pryznany historyka-kulturnaj kaštoŭnaściu — pakupnik zmoža raźmiaścić tam kulturna-aśvietnickuju ŭstanovu.
U 2025 hodzie niepadalok ad pałaca źbirajucca pačać budaŭnictva novaha žyłoha mikrarajona. Jon źjavicca pamiž vulicaj Biełuša i Rumloŭskim praśpiektam. Raniej na hetych 22 hiektarach płanavali pabudavać žyllo na 2 tysiačy kvater u vysotkach, uładkavać zialonyja zony i parkoŭki. Budaŭnictva novaha mikrarajona ŭ Paniamuni pavinna zabiaśpiečyć žyllom 5000 čałaviek.
Čytajcie taksama:
Pad Minskam pradali ŭčastak za rekordnyja hrošy
Na aŭkcyjon vystaŭlajuć siadzibu ŭ Padarosku, zabranuju ŭ miecenata
Dom Capkały znoŭ nie ŭdałosia pradać z aŭkcyjonu
Pad Niaśvižam pradajuć reštki staradaŭniaj rezidencyi Radziviłaŭ