U Matevuša Maravieckaha abviarhajuć, što jon paćviardžaŭ svaju asobu Vikipiedyjaj
Były pres-sakratar polskaha ŭrada Piotr Miuler abvierhnuŭ čutki, jakija razyšlisia pa polskich i suśvietnych ŚMI, što eks-premjer Polščy Matevuš Maraviecki nibyta adpraviŭsia ŭ Vašynhton dla ŭdziełu ŭ inaŭhuracyjnych mierapryjemstvach u honar Trampa, ale zabyŭsia na dakumienty i pakazvaŭ achoŭnikam zamiest ich artykuł pra siabie ŭ Vikipiedyi.
Skrynšot ź videa
«U ZŠA ranica, a ŭ internecie alternatyŭnaja realnaść», — kpić były čynoŭnik, vykładajučy dalej zusim inšuju viersiju padziej.
«Inaŭhuracyja terminu Donalda Trampa siońnia. Učora Matevuš Maraviecki išoŭ na pryznačanyja sustrečy, uklučajučy intervju. Nie na mitynh. Pałova Vašynhtona zakrytaja, tamu jon spytaŭ u achoŭnika darohu, bo była źmienienaja arhanizacyja ruchu», — napisaŭ Miuler, adznačyŭšy, što inaŭhuracyja ŭvohule budzie siońnia, a nie była ŭčora.
Na skrynšocie ź videa sapraŭdy vyhladaje tak, što na telefonie ŭ Matevuša Maravieckaha adkrytaja nie Vikipiedyja, a Google Maps.
Čytajcie taksama:
Time źmiaściŭ na vokładku Trampa, jaki źmiataje dakumienty ŭ Avalnym kabiniecie
Jak Vašynhton rychtujecca da inaŭhuracyi 47-ha prezidenta ZŠA FOTA
Inaŭhuracyju Trampa pieranieśli ŭ zakrytaje pamiaškańnie z-za nadvorja