Donald Tusk: Kali Jeŭropa choča vyžyć, jana pavinna ŭzbrojvacca
Premjer-ministr Polščy Donald Tusk zajaviŭ, što Jeŭrasajuz pavinien radykalna pavialičyć vydatki na ŭzbrajeńnie pierad abliččam niavyznačanaha suśvietnaha paradku, paviedamlaje «Radyjo Svaboda».
Donald Tusk. Fota: Pier Marco Tacca/Getty Images
Na siesii Jeŭrapiejskaha parłamienta ŭ Strasburhu Donald Tusk vystupiŭ z prahramnaj pramovaj:
«Kali Jeŭropa choča vyžyć, jana pavinna być uzbrojenaja. Alternatyvy niama — Jeŭropa pavinna pačać abaraniać siabie, i tamu jana pavinna pačać tracić jeŭrapiejskija hrošy na abaronu».
Pramova była šmat u čym była pryśviečanaja tamu, što prezident ZŠA Donald Tramp, jaki zastupiŭ na pasadu na hetym tydni, zapatrabavaŭ ad sajuźnikaŭ pa NATA pavialičyć svaje ŭnioski da 5% ad VUP zamiest ciapierašnich 2%.
«Nie pytajciesia, što Amieryka moža zrabić dla Jeŭropy i jaje biaśpieki — spytajcie, što my sami možam zrabić dla jaje», — skazaŭ Tusk.
Pry hetym jon pierafrazavaŭ samy viadomy łozunh Donalda Trampa, skazaŭšy: «Jeŭropa była, jość i zaŭsiody budzie vialikaj».
Čytajcie taksama:
Tusk: Rasija płanavała akty pavietranaha teroru suprać Polščy i avijakampanij pa ŭsim śviecie
Polski premjer paśla vypadku ŭ Mahdeburhu nastojvaje na pastrožvańni mihracyjnaha zakanadaŭstva
Tusk: Polšča nie płanuje adpraŭlać svaich vajskoŭcaŭ va Ukrainu