Ryžankoŭ sustreŭsia z novym kiraŭnictvam Siryi
Ministr zamiežnych spraŭ Biełarusi Maksim Ryžankoŭ sustreŭsia z kiraŭnikom novaj siryjskaj administracyi Achmiedam aš-Šarai i načalnikam Hienieralnaj raźviedki Anasam Chatabam.
Fota: ahienctva SANA
Padčas sustrečy byli abmierkavanyja mnohija pytańni ŭzajemnaj zacikaŭlenaści, uklučajučy ŭzmacnieńnie dvuchbakovaha supracoŭnictva ŭ halinie biaśpieki, palityki i ekanomiki.
Akramia taho, była zakranutaja tema rehijanalnych i mižnarodnych padziej i ich upłyŭ na situacyju ŭ rehijonie, paviedamlaje ahienctva SANA.
Pieramovy Ryžankova i Achmieda aš-Šaraa doŭžylisia amal 2 hadziny, piša telehram-kanał
Pa daručeńni Łukašenki M. Ryžankoŭ uručyŭ siryjskamu lidaru simvaličnyja siertyfikaty na 50 aŭtobusaŭ MAZ, jakija pieradajucca ŭ dar siryjskamu narodu ad Łukašenki i naroda Biełarusi. Na praciahu bližejšych troch miesiacaŭ jany buduć vyrableny i adpraŭleny ŭ Siryju.
Ryžankoŭ taksama paćvierdziŭ, što Minsk hatovy praciahvać humanitarnyja prahramy dla azdaraŭleńnia siryjskich dziaciej.