U Šviecyi haspadynia pamyła kata ŭ pralnaj mašynie
U Šviecyi pažyłaja haspadynia kata pa mianušcy Maks zapuściła prałku, nie zaŭvažyŭšy, što ŭnutry mašynki adpačyvaŭ jaje hadavaniec. Žyvioła trapiła ŭ baraban razam z rečami i cudam zastałasia žyvoj. Pra heta paviedamlaje Aftonbladet.
Ilustracyjnaje fota
Žančyna ŭstalavała prahramu myćcia na tempieraturu 40 hradusaŭ i pajšła zajmacca svaimi spravami. Kata ŭnutry barabana jana zaŭvažyła za niekalki chvilin da zakančeńnia prańnia.
Piensijanierka vielmi spałochałasia i adrazu vyklučyła mašynu. Pa jaje słovach, kali jana adkryła dźviercy, Maks nie varušyŭsia.
Žančyna imhnienna adviezła hadavanca ŭ vietkliniku, dzie joj paviedamili, što kot žyvy i papravicca. Praz try dni znachodžańnia ŭ stacyjanary dla katoŭ Maks viarnuŭsia dadomu.
Surazmoŭnica chvalavałasia, što ŭ Maksa budzie mocny stres. Ale, pavodle jaje słoŭ, žyvioła chutka apraviłasia paśla incydentu i pavodzić siabie, jak zvyčajna.