Pucin zajaviŭ pra hatoŭnaść da pieramovaŭ z Trampam
Prezident Rasii Uładzimir Pucin u razmovie z prapahandystam Paŭłam Zarubinym zajaviŭ, što hatovy da pieramoŭ z novaj administracyjaj ZŠA. A zaadno raskazaŭ pra ciopłyja adnosiny z Trampam u minułym.
Pucin i Tramp u červieni 2019 hoda ŭ japonskaj Osacy. Fota: AP Photo/Susan Walsh, File
«Chutčej za ŭsio, sapraŭdy nam lepš sustrecca, abapirajučysia na realii siońniašniaha dnia. Pahavaryć spakojna pa ŭsich tych napramkach, jakija ŭjaŭlajuć cikavaść jak dla ZŠA, tak i dla Rasii», — zajaviŭ Pucin.
Pry hetym jon raskazaŭ, što ŭ jaho z Trampam zaŭsiody nibyta byli daviernyja, prahmatyčnyja stasunki, i padkreśliŭ, što Kreml, maŭlaŭ, nikoli nie admaŭlaŭsia ad kantaktaŭ ź Biełym domam.
Pieramohu ž na vybarach 2020 hoda ŭ Trampa, jak śćviaržaje Pucin, ukrali. A kali b hetaha nie adbyłosia, to, maŭlaŭ, i ciapierašniaj vajny va Ukrainie mahło b nie być.
Čytajcie taksama:
Tramp: Zialenski nie anioł. Jon nie pavinien byŭ dapuścić hetaj vajny
Ukaz Trampa ab spynieńni mižnarodnaj padtrymki nie tyčycca dapamohi Ukrainie ŭ śfiery biaśpieki
Tramp choča źmienšyć suśvietnyja ceny na naftu, kab skončyć vajnu va Ukrainie
Tramp zaklikaŭ Rasiju nieadkładna spynić vajnu, inačaj pahražaje krutymi mierami