24-hadovy biełarus trapiŭ va ŭkrainski pałon. Jak jon apynuŭsia na vajnie?
Jaho ŭziali ŭ pałon na pieršym ža bajavym zadańni.
Dźmitryj Anančyk. Skrynšot videa prajekta «Chaču žyć»
Ukrainski prajekt «Chaču žyć» apublikavaŭ videa z pałonnym biełarusam, jaki trapiŭ u šerahi rasijskich vojskaŭ paśla pracy ŭ Łuhansku.
24-hadovy Dźmitryj Anančyk skončyŭ kaležd pa śpiecyjalnaści tokar — ślesar pa ramoncie aŭtamabilaŭ. U Biełarusi pracavaŭ u łahistyčnaj kampanii, paśla ŭ budaŭnictvie.
U Łuhansk jon pryjechaŭ pracavać na budoŭlu pamočnikam plitačnika. Da 20 śniežnia 2024-ha pavinien byŭ skončyć pracu na abjekcie i jechać nazad, ale palicyja schapiła jaho raniej razam z «nielehalnymi hramadzianami».
«Abuli, adzieli i adpravili na palihon», — apisvaje Anančyk. Pryznajecca, što byŭ vypiŭšy, tamu pad prymusam padpisaŭ kantrakt.
Na papiery na kantrakcie ŭ rasijskich vojskach jon ličycca 10 śniežnia 2024 hoda. Jaho ŭziali radavym strałkom
19 śniežnia jaho adpravili na pieršaje bajavoje zadańnie — i mužčyna adrazu trapiŭ u pałon.
«Tavaryša zabiła, a mianie ŭziali ŭ pałon», — raskazvaje jon.
U Dźmitryja maleńki syn, z žonkaj jon u razvodzie.