Pucin pavinšavaŭ Łukašenku z «pierakanaŭčaj pieramohaj»
Uładzimir Pucin nakiravaŭ Alaksandru Łukašenku vinšavalnuju telehramu z «pieramohaj na vybarach» prezidenta Respubliki Biełaruś, paviedamiła ŭ paniadziełak pres-słužba Kramla.
Fota: Maxim Shemetov Pool Photo via AP
«Pavažany Alaksandr Ryhoravič, sardečna vinšuju vas ź pieravybrańniem na pasadu prezidenta Respubliki Biełaruś», — havorycca ŭ telehramie.
U dakumiencie taksama adznačajecca, što «ŭpeŭnienaja pieramoha nahladna śviedčyć pra palityčny aŭtarytet biełaruskaha lidara i niesumniennuju padtrymku narodam taho kursu, jakim idzie kraina».
Pucin padkreśliŭ, što za apošni čas udałosia zrabić šmat dla ŭmacavańnia siabroŭskich suviaziaŭ Maskvy i Minska, i hetaja praca, biezumoŭna, budzie praciahnutaja, u tym liku ŭ halinie raźvićcia šmatpłanavaha supracoŭnictva, pavyšeńnia efiektyŭnaści instytutaŭ Sajuznaj dziaržavy i prasoŭvańnia ŭzajemavyhadnych intehracyjnych pracesaŭ.
Rasijski lidar pažadaŭ Łukašenku pośpiechaŭ u dziejnaści na vyšejšaj dziaržaŭnaj pasadzie, zdaroŭja i dabrabytu.
Pavinšavali Łukašenku taksama prezidenty Kazachstana, Uźbiekistana, Tadžykistana i Vieniesueły.