U emihracyi pamior były haspadar «Pinskdreva» Łaran Arynič

89-hadovy biznesmien žyŭ u polskim Biełastoku, dzie chavaŭsia ad kryminalnaha pieraśledu.

Łaran Arynič. Fota: Most

26 studzienia 2025 pamior apalny eks-kiraŭnik «Pinskdreva» Łaran Arynič. Jamu było 89 hadoŭ. Pra śmierć biznesmiena stała viadoma «Našaj Nivie» ad jaho siabroŭ. Krynicy «Masta» paćviardžajuć hetu infarmacyju.

Łaran Arynič kiravaŭ pradpryjemstvam «Pinskdreŭ», kali ŭ kastryčniku 2010-ha na zavodzie zdaryŭsia vybuch. Tady zahinuli 14 čałaviek. Praź niekalki miesiacaŭ, u pačatku 2011-ha, Aryniču vystavili abvinavačvańnie ŭ chałatnaści, i jon paličyŭ za lepšaje vyjechać za miažu.

Z 2013-ha Łaran Arynič žyŭ u Biełastoku. U svaim apošnim intervju paŭhoda tamu biznesmien kazaŭ, što spadziajecca viarnucca ŭ Biełaruś. Jon čakaŭ kanca 2025 hoda, kali b skončylisia terminy daŭniny pa jaho kryminalnaj spravie.

Łaran Arynič naradziŭsia ŭ 1936 hodzie ŭ Archanhielskaj vobłaści Rasii. Pracavaŭ u Pleščanskim lespramhasie Minskaj vobłaści (1954-1955), adsłužyŭ u vojsku (1955-1958). Skončyŭ Biełaruski technałahičny instytut imia Kirava (1963). U Hrodzienskaj meblevaj fabrycy, prajšoŭ šlach ad majstra da dyrektara (1963-1983). U 1983-2011 uznačalvaŭ «Pinskdreŭ». U 1996 uznačaliŭ Nacyjanalnuju asacyjacyju pramysłoŭcaŭ i pradprymalnikaŭ Biełarusi.

Kamientary da artykuła