Źniać hrošy možna ŭ 3000 kramach pa Biełarusi
Biełarusbank padvioŭ vyniki raźvićcia servisu pa źniaćci najaŭnych u handlovych abjektach. Na pačatak hoda ŭ nasielenych punktach, dzie pražyvaje da 20 tysiač čałaviek, da jaho padklučylisia kala 3000 kramaŭ, paviedamlaje pres-słužba banka.
A z momantu ŭkaranieńnia servisu ŭ 2020 hodzie ŭžo praviedziena bolš za 660 000 apieracyj na 47 młn rubloŭ.
Kramy, u jakich možna źniać hrošy, paznačanyja na kasie śpiecyjalnaj nalepkaj ź zialonym kašalkom.
Za adnu apieracyju možna źniać da 5 bazavych vieličyń (210 rubloŭ).
Pa kartach Biełarusbanka kamisija za źniaćcie najaŭnych nie spahaniajecca.