Čamu «ŭparadkavańnie pravapisu» vyklikaje niepakoj?
Los biełaruskaha pravapisu ŭ čarhovy raz majuć vyrašyć ludzi, jakija ŭ paŭsiadzionnym žyćci biełaruskaj movaj nie karystajucca.
Nie adbyvałasia publičnaha razhladu źmienaŭ u pravapisie z udziełam šyrokaj navukovaj hramadzkaści. Narešcie, i heta skandalna, los biełaruskaha pravapisu ŭ čarhovy raz majuć vyrašyć ludzi, jakija ŭ paŭsiadzionnym žyćci biełaruskaj movaj nie karystajucca. Heta adkryta kalanijalnaja praktyka. Zachavańnie i naviazvańnie kalanijalnych normaŭ viało i dalej vieścimie da depapularyzacyi biełaruskaj movy, pazbaŭleńnia jaje kalarytu.
Sami źmieny ŭ pravapisie niaznačnyja i ničoha nie mianiajuć u jaho sutnaści. Adnak vykarystańnie «ŭnifikacyi pravapisu» jak padstavy dla zabarony abo vyciskańnia za miažu krainy medyjnych, kulturnych, litaraturnych prajektaŭ było b złačynstvam, skiravanym na padryŭ biełaruskaje kultury.