Na miažy ź Biełaruśsiu litoŭskija pamiežniki znajšli 25-mietrovy tunel kantrabandystaŭ
Supracoŭniki Słužby achovy dziaržaŭnaj miažy Litvy (VSAT) znajšli padziemny tunel daŭžynioj kala 25 mietraŭ niedaloka ad miažy ź Biełaruśsiu. Miarkujecca, što jon vykarystoŭvaŭsia dla pieravozki kantrabandy. Tunel byŭ znojdzieny kala vioski Pašalčys.
Vyjaŭleny tunel i jaho prykładnaje miesca znachodžańnie. Kałaž: LRT.lt
Daradca Słužby achovy dziaržaŭnaj miažy Hiedrus Mišucis u kamientary LRT.lt paćvierdziŭ fakt vyjaŭleńnia tunelu, adnak nie raskryŭ jaho dakładnaje miesca i akaličnaści znachodžańnia.
«Pakolki raspačataje dasudovaje rasśledavańnie, usie detali my ŭzhadniajem z prakuraturaj. Adnak u bližejšy čas budzie apublikavanaja aficyjnaja zajava z poŭnaj infarmacyjaj», — dadaŭ Mišucis.
Choć paśla ŭstalavańnia fizičnaha barjera — achoŭnaha płota z kalučym drotam — na miažy ź Biełaruśsiu baraćba z kantrabandaj značna spraściłasia, złačynnyja hrupy praciahvajuć šukać novyja sposaby niezakonnych pieravozak. Siarod novych mietadaŭ — GPS-datčyki, zašyfravanyja pieramovy, pavietranyja šary dla transparciroŭki kantrabandnych tavaraŭ.