«Usiudy pavucińnie, śmiećcie, brud!» Kiraŭnik Minlashasa aburyŭsia biesparadkam u Bresckim lashasie i choča adklikać ź piensii eks-dyrektara
Alaksandr Kulik pryjechaŭ u Brestki lashas ź inśpiekcyjaj i ŭčyniŭ kiraŭnictvu vymovu ŭ styli Łukašenki. Byłym kiraŭnikam, zdajecca, daviadziecca zabycca pra piensiju.
Alaksandr Kulik. Fota: Minlashas
Ministr lasnoj haspadarki Alaksandr Kulik naviedaŭ ź vizitam Brescki lashas. Pierad sustrečaj z rabotnikami jon źmianiŭ maršrut i zazirnuŭ u vytvorčyja pamiaškańni.
Tam Kulik vyjaviŭ adkryty biesparadak, piša pres-słužba ministerstva.
«Heta prosta kašmar! Ja daŭno takoha biesparadku nie bačyŭ. Čakali ministra, hienieralnaha dyrektara DVŁHA (Dziaržaŭnaha vytvorčaha lasahaspadarčaha abjadnańnia — prym.) — paŭsiul pavucińnie, śmiećcie, brud!» — emacyjna vykazaŭsia Kulik.
Fota: Minlashas
Ministr nahadaŭ, što kaliści Brescki lashas byŭ na dobrym rachunku, ale ciapier usio čamuści źmianiłasia.
«Pa lasnoj haspadarcy ničoha nie skažu, u cełym, pakaźniki dobryja, pracujecie niadrenna. Ale ekanomika i vytvorčaść — nikudy nie hodzicca! Brescki lashas — adzinaja z ustanoŭ Bresckaha DVŁHA, dzie nie vykanali hadavy płan pa vyručcy ŭ minułym hodzie.
Lasny fond, technika, ludzi — usio zastałosia, jak i było. A płanavyja pakazčyki pa narychtoŭkach vykananyja na 86%, pa eksparcie lesapradukcyi — na 93%», — kanstatavaŭ ministr.
Dla naviadzieńnia paradku Kulik prapanavaŭ niezvyčajnaje rašeńnie: adklikać ź piensii byłych kiraŭnikoŭ lashasa i DVŁHA.
«Treba adklikać ź piensii abo Tycyka Alaksandra Maisiejeviča, abo Stelmacha Vasila Ściapanaviča — byłoha hienieralnaha dyrektara DVŁHA abo byłoha dyrektara Bresckaha lashasa! Kab jany dapamahli maładym dyrektaram naładzić pracesy», — prapanavaŭ ministr.
Brescki lashas uznačalvaje ŭ minułym vopytny i zasłužany laśničy Ihar Maciušyk. Ale Kulik ličyć, što novy dyrektar nie moža arhanizavać kamandnuju pracu.
Kab vykanać usie svaje finansavyja abaviazacielstvy, štomiesiačnaja vyručka Bresckaha lashasa pavinna składać nie mienš za 1 młn. 350 tys. rubloŭ. Ale pakul hetaja płanka nie dasiahnuta.
Kulik raskrytykavaŭ hałoŭnaha ideołaha pradpryjemstva za toje, što toj nie moža navieści paradak i zabiaśpiečyć narmalnyja ŭmovy pracy dla rabotnikaŭ. I paabiacaŭ kadravyja rašeńni, što pavinny źmianić situacyju.