Amal hod šukali novaha dyrektara dla Muzteatra. Kaho znajšli
31 studzienia 2025 hoda kalektyvu teatra pradstavili novaha dyrektara — Komavu Taćcianu Valarjanaŭnu. Minułaha kiraŭnika zvolnili 21 sakavika 2024 hoda.
Taćciana Komava. Fota: musicaltheatre.by
Jak paviedamlaje sajt teatra, Taćciana Komava skončyła Biełaruski dziaržaŭny ŭniviersitet kultury i mastactvaŭ. U śfiery kultury pracuje amal 30 hadoŭ, pačała ź Biełaruskaj dziaržaŭnaj fiłarmonii, taksama pracavała na roznych pasadach u Biełaruskim dziaržaŭnym teatry lalek, Dramatyčnym teatry biełaruskaj armii.
Z 2010 hoda zajmała pasadu namieśnika dyrektara Muzyčnaha teatra.
Dyrektar Muzyčnaha teatra Siarhiej Pukita byŭ zvolnieny sa svajoj pasady ŭ sakaviku 2024 hoda.
Pryčynaj zvalnieńnia, imavierna, stała vykanańnie ŭ teatry kampazicyi «Pieramienaŭ!» savieckaha rok-hurta «Kino». 16 sakavika ŭ Muzyčnym teatry vystupaŭ simfaničny arkiestr Varoniežskaj kancertnaj zały z prahramaj «Antałohija ruskaha roku», u repiertuary jakoha jość hetaja kampazicyja.
17 sakavika telehram-kanał «Motolkohelp» apublikavaŭ aŭdyjozapis vystupu i reakcyju zały. Pavodle źviestak kanała, arkiestru «padpiavała litaralna ŭsia zała».
— Zała padtrymała vystup z hetaj kampazicyjaj, stojačy ź lichtarykami, — raspaviała krynica.
Paśla hetaha było pryniata rašeńnie zvolnić Pukitu.