Zialenski: Ukraina jak nikoli blizkaja da miru
Prezident Ukrainy zajaviŭ, što nieabchodna zrabić usio dla stabilizacyi situacyi i miru dla ŭsich ukraincaŭ.
Uładzimir Zialenski. Fota: Jonathan Raa / NurPhoto via Getty Images
Uładzimir Zialenski adznačyŭ, što Ukraina blizkaja da miru jak nikoli za apošnija try hady.
U intervju Associated Press prezident Ukrainy dadaŭ, što kraina straciła vielmi šmat ludziej, ale zmahła abaranić svaju niezaležnaść.
«My zmahajemsia, my žyviom, my robim usio, kab nablizić mir. My da jaho blizka jak nikoli za hetyja try hady vajny. My adstajali svaju dziaržavu, niezaležnaść, krainu, stalicu, mnohija harady i vioski.
Na žal, my stracili šmat ludziej. Ja vielmi hanarusia našymi hieraičnymi ludźmi. Chto moh usio heta ŭjavić? Nichto. Chto moh viedać pra ŭsie hetyja nastupstvy? Nichto», — skazaŭ Zialenski.
Jon padkreśliŭ, što nieabchodna zrabić usio mahčymaje, kab žyćcio va Ukrainie stabilizavałasia i kab mir byŭ u kožnaha ŭkrainca.