Maładuju vykładčycu anhlijskaj movy sudziać za palityku. Pahražaje da 12 hadoŭ
Alenu Badziaka pačali sudzić u Minskim haradskim sudzie pa dvuch kryminalnych artykułach. Padobna, što sprava ŭ kamientarach.
Alena Badziaka. Fota: Linkedin
Alenie Badziaka 29 hadoŭ. Rodam jana z Hłybokaha. U 2019 hodzie skončyła Minski dziaržaŭny linhvistyčny ŭniviersitet. Paśla pracavała nastaŭnikam anhlijskaj u roznych pryvatnych škołach — Step by step, Kidslab i inšych.
Dziaŭčynu pačali sudzić 31 studzienia 2025 hoda ŭ Minskim haradskim sudzie. Alenu Badziaka vinavaciać pa dvuch kryminalnych artykułach — «raspalvańnie varožaści» (č. 1 art. 130 KK) i «zakliki da naniasieńnia škody Biełarusi» (č. 3 art. 361 KK). Joj pahražaje da 12 hadoŭ kałonii.
Apošnim časam pa takich artykułach sudziać ludziej, jakija pakidali kamientary ŭ telehramie abo sacsietkach.
Čytajcie taksama:
Jak zaścierahčy siabie ŭ VK, Facebook i «Adnakłaśnikach» — padrabiazny hajd
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć
Jak pravilna čyścić svoj akaŭnt u Instagram, kab zaścierahčy siabie. Padrabiazny hajd