U Babrujsku zdajuć elitnuju kvateru, dzie ŭnitaz znachodzicca na kuchni — kažuć, ramantyčna

Arandavać na sutki niezvyčajnuju adnapakajoŭku prapanujuć u Babrujsku. Z 40-mietrovaj kvatery zrabili studyju z dyzajnierskim ramontam. Usio dobra, ale jość adzin niuans — tualet, jaki znachodzicca za mietr ad plity.

Fota tut i dalej: kufar.by

Duš, darečy, taksama znachodzicca pobač. Praź jaho šklanyja pieraharodki adkryvajecca vydatny vid na kvateru.

Nie vielmi zrazumieła, dla čaho było źniščać paŭnavartasny sanvuzieł — bo ŭ domie, jaki pabudavali ŭ 1962 hodzie, dla jaho dakładna pakidali miesca. Ale, mabyć, dyzajnieru spadabałasia dumka ab tym, što možna siadzieć na ŭnitazie i zamiłoŭvacca kachanym, jaki za stałom pje ranišniuju kavu.

U abjavie pra zdaču kvatery na sutki na «Kufary» adznačana: «elemienty dekoru stvarajuć tut nastroj ramantyčnaści i ščyraści». Košt — ad 70 rubloŭ za sutki.

Rejtynh u kvatery vysoki — 4,8 z 5 mahčymych zorak. Vodhuki ŭ asnoŭnym stanoŭčyja — zdajecca, ludziam padabajecca cikavy dyzajn (niechta navat dziela jaho i arandavaŭ žyllo). Aburajucca tolki tym, što składana adrehulavać vadu ŭ tym samym dušy — atrymlivajecca ci ledzianaja, ci kipień.

Kamientary da artykuła