16-hadovaha padletka z Vaŭkavyska asudzili za zrezany čyrvona-zialony ściah
U sudzie Vaŭkavyskaha rajona 21 studzienia asudzili Leanida Trafimoviča pavodle art. 370 KK (ździek ź dziaržaŭnaj simvoliki). Spravu ŭ zakrytym režymie razhladaŭ sudździa Mikałaj Siarhiejka, piša «Viasna».
16-hadovaha padletka z Vaŭkavyska Leanida Trafimoviča asudzili na 1 hod «chatniaj chimii».
Pavodle materyjałaŭ śledstva, Leanid, znachodziačysia na dachu budynka, zrezaŭ nažom čyrvona-zialony ściah.
Paviedamlałasia, što padletak u padjeździe čakaŭ siabra. Uzłamaŭšy dźviery na dach šmatpaviarchovaha doma, jon ubačyŭ ściah, zrezaŭ jaho ścizorykam i schavaŭ u siabie doma ŭ šafie. Paźniej supracoŭniki ŽKH zaŭvažyli źniknieńnie i źviarnulisia ŭ milicyju.